#203ጉዝጓዝ ማድረግ

ለጉዝጓዝ የምንጠቀምባቸው ቁሳቁሶች አዳዲስ ተባዮችን እና የአረም ዘሮችን በቡና ማሳ ውስጥ ሊያመጡ ይችላሉ። በተመሳሳይ የቡና ገለባ ሁለቱንም ችግሮች ሊያመጡ ስለሚችሉ ባንጠቀምበት ይመረጣል።አፈር ለምነት ለማሻሻል የቡና ቅርፊቶችን ከመጠቀምዎ በፊት እንደ ኮምፖስት ወይም ቦካሺ ስናዘጋጅ በመበስበስ ወይም የመቡካት ሂደትን ማለፍ አለባቸው ። በዚህ መንገድ ሊከሰቱ የሚችሉ ኢንፌክሽኖች ምንም ጉዳት አያስከትልም።

በቡና ማሳ ውስጥ ከቁጥጥር ውጭ የጉዝጓዝ እፅዋት ድርብርብ እንዳፈጠር ዘር ሳያወጡ በፊት ተቆርጠው ጥቅም ላይ መዋል አለባቸው።

እንደየአካባቢው ሁኔታ፣ በደረቁ ወቅት ጉዝጓዝ በአካባቢው የእሳት አደጋ መንስኤ ሊሆን ይችላል። በጉዝጓዝ ምክንያት ሊከሰት የሚችለውን እሳትን ለመከላከል፣ የቡና መሬት ማጽዳት ከቃጠሎ እንዳፈጠር ይረዳል። እንዲሁም እንደ ሲጋራ ወይም ክብሪት ያሉ እሳት የሚፈጥሩ ቁሶች ጉዝጓዝ በተደረገበት የቡና ማሳ ውስጥ ከመጣል መቆጠብ ይኖርብናል።

ይህን ችግር ለመፍታት ከተገለፀው ጉዝጓዝ የተሻለ በአማራጭነት የሽፋን ሰብሎችን (ሕይወት ያለው ጉዝጓዝ ነው። የሽፋን ሰብሎችን (ሕይወት ያለው ጉዝጓዝ) የራሳቸው በርካታ ልዩ ልዩ ጥቅሞች አሏቸው ፤ የአፈርን እና የቡና ዛፎችን ይከላከላሉ፤ ነገር ግን ከቡና ማሳ ስር (ውስጥ) ስለሚዘሩ ባዮማስን ለማምረት ተጨማሪ ቦታ አያስፈልጋቸውም። በተጨማሪም አንዳንድ የሽፋን ሰብሎችን (ሕይወት ያለው ጉዝጓዝ) ዝርያዎች ናይትሮጅንን ከአየር ላይ መሳብ እና ከአፈር ጋር በማዋሃድ ቡናውን በማዳበር በቀጥታ ይጠቅማሉ።

ነገር ግን፣ ተጨማሪ ጉዝጓዝ ሊሆን የሚችል ቁሳቁስ ካለ፣ ከላይ የተገለፀው ጉዝጓዝ የቡና ማሳ የአየር ንብረት ለውጥ ተጽእኖዎች ለመቋቋም ወይም ለመቀነስ የሚረዳ ተግባራዊ አሰራር ነው።

የምንጠቀምበት ጊዜ ፦ በዓመቱ ሙሉ ጉዝጓዝ ሊሆን የሚችል ቁሳቁስ የምናገኝ ከሆነ በማንኛውም ጊዜ ሊተገበር ይችላል። ይሁን እንጂ ትክክለኛው ወቅት ከዝናባማው ወቅት በፊት ወይም ወዲያውኑ ከ2-3 ዝናብ በኋላ የተሻለ ነው ። በዚህ መንገድ የዛፉ ሽፋን መጪውን የዝናብ ውሃ መያዝ እና መቆጠብ ይችላል።